Як піша выданне Sciencedaily, сусветны крызіс з вытворчасцю какавы, які ў перспектыве можа выклікаць тое, што шакалад стане раскошай, выкліканы кузуркамі-шкоднікамі. Яны называюцца мучністымі чарвяцамі (таксама іх завуць «касматымі вошамі») і пераносяць небяспечны вірус, які заражае да 50% какававага ўраджаю.
У Гане, напрыклад, гэтай кузуркай ужо было знішчана больш за 254 мільёны какава-дрэў. З-за вірусу сусветныя пастаўкі какава і, такім чынам, шакаладу знаходзяцца пад пагрозай.
Пестыцыды, якія выкарыстоўваюцца для барацьбы з чарвяцамі, аказаліся неэфектыўнымі. Існуе вакцына для дрэў, але яна занадта дарагая для мясцовых фермераў, да таго ж вакцынаваныя дрэвы даюць меншы ўраджай.
Цяпер навукоўцы працуюць над новай мадэллю пасадкі дрэў: вакцынаваныя дрэвы павінны служыць бар'ерам для невакцынаваных. Распрацаваныя дзве эксперыментальныя схемы, якія яшчэ трэба будзе праверыць у рэальных умовах.
У Маскве падарвалі прарасійскага аўтарытэта з Данбаса, які арганізоўваў цітушак
Каментары