«Думала, у Зябраўку прыляцела». Пад Гомелем, імаверна, выбухнуў беспілотнік
Уначы 8 студзеня жыхары паўднёвых ускраін Гомеля чулі моцны выбух. Флагшток сабраў даступныя звесткі.
Выбух быў добра чутны ў Навабеліцкім раёне Гомеля і прыгарадным пасёлку Чонкі каля 2 гадзін ночы. Адна з крыніц адзначыла серыю выбухаў, дзве іншыя назвалі выбух адзіночным. Паводле сведчанняў двух назіральнікаў, крыніца гуку знаходзілася на поўдні ад Гомеля. Агнявых успышак і слядоў гарэння з жылой забудовы зафіксаваць не ўдалося.
«Бабах моцны быў з боку лесу на поўдні ад Гомеля. Абышла вакол і паглядзела, ці не прыляцеў зноў шахед у Беліцу. Муж таксама чуў выбух. Але ўспышак не было ні ў Беліцы, ні ў горадзе. Думала, у Зябраўку прыляцела», — падзялілася ўражаннямі чытачка Флагштока.
Магчымае тлумачэнне выбуху
Аб тым, што выбух мог быць звязаны з падзеннем ударнага беспілотніка, сведчыць паведамленне ўкраінскага маніторынгавага канала, звязанага са службай ППА Украіны, «Ринда моніторить». Уначы 8 студзеня ў 1:43 па мінскім часе канал паведаміў пра перасячэнне беларускай мяжы ўдарным БПЛА. Беспілотнік рухаўся ўздоўж мяжы Расіі і Украіны і пранік у паветраную прастору Беларусі праз расійскую мяжу ў 1:43 (у паведамленні ўказаны час па кіеўскім часе) і накіраваўся ў бок пасёлка Кругавец-Калініна.
У каментары Флагштоку спецыяліст маніторынгавага канала паведаміў, што ўкраінскімі сродкамі кантролю паветранай прасторы было зафіксавана, як БПЛА перасек мяжу ў раёне «Трох сясцёр» і даляцеў да Церахаўкі, пасля чаго яго сігнал быў згублены.
З улікам таго, што хуткасць палёту найбольш распаўсюджанага ўдарнага БПЛА Shahed-136 складае 140—180 км/г, беспілотнік мог дасягнуць паўднёвых ускраін Гомеля і па нейкіх прычынах упасці, пасля чаго здэтанаваў.
Стала вядома, за што будуць судзіць першага намесніка начальніка Кіраўніцтва справамі Лукашэнкі1
Каментары