Ціханоўская сустрэлася з кіраўніцтвам Google, Meta і прадстаўнікамі Microsoft
У Нью-Ёрку падчас Генасамблеі ААН дэмакратычная лідарка Беларусі Святлана Ціханоўская сустрэлася з прэзідэнтам Google Сундарам Пічай і з віцэ-прэзыдэнтам Каранам Бхація, таксама з прэзідэнтам па глабальных справах кампаніі Meta (Facebook, Instagram, WhatsApp) Нікам Клегам, а таксама кіраўніцтвам праграмы Defending Democracy кампаніі Microsoft.
Ціханоўская папрасіла тэхкампаніі прысвяціць больш увагі беларускаму рынку і дамовілася працягваць кантакт на рабочым узроўні, расказаў у тэлеграме Франак Вячорка.
У якіх сферах будзе весціся супрацоўніцтва:
— дапамога беларускім медыя. Ужо ёсць паспяховыя кейсы, калі ўдалося разблакаваць старонкі асобных беларускіх журналістаў і арганізацый,
— кансультацыі для беларускіх блогераў. Напрыклад, TikTok гатовы дапамагаць і будзе запрашаць беларусаў на свае мерапрыемствы. Тэхкампаніі гатовыя даваць спецыялістаў і трэнэраў для мэдыя,
— Youtube працягвае блакаваць пакаянныя відэа і рэкламныя акаўнты, з якіх гэтая «рэклама» запускаецца. Ужо заблакаваныя сотні такіх ролікаў,
— верыфікацыя акаўнтаў медыя, журналістаў і грамадскіх актывістаў, якія зазнаюць атакі ботаў і спробы ўзлому,
— лакалізацыя сэрвісаў і падтрымка беларускага кантэнту,
— Ціханоўская папрасіла Microsoft паспрыяць у пашырэнні беларускай мовы, a Google — дазволіць рэкламу беларускамоўных відэаролікаў,
— доступ да карыстання воблачнымі сэрвісамі для журналістаў і НДА, а таксама праграмнага забеспячэння для абыходу цэнзуры і блакавання,
— падтрымка праекту лічбавай Беларусі і інтэграцыя з глабальнымі сэрвісамі.
29-гадовага мытніка абвіначваюць у здрадзе дзяржаве2
Каментары