«Рана ці позна, мы іх сюды даставім». Кубракоў паабяцаў пакараць беларусаў, якія з’ехалі за мяжу
Міністр унутраных справаў Іван Кубракоў паабяцаў рэпрэсіі нават тым, хто знаходзіцца за мяжою.
«Мы працуем не толькі прафілактычна, але і ў аператыўным плане. Працуюць нашы падраздзяленні інтэрнэт-разведкі. Калі вы заўважылі, асабліва ў пачатку электаральнай кампаніі спрабуюць недзе паўплываць менавіта на кіраўнікоў, на службовых асобаў.
Ёсць абразы, ёсць пагрозы. Але ўсе яны думаюць, што знаходзяцца за мяжой і іх адтуль дастаць немагчыма. Насамрэч, сёння органы ўнутраных справаў дакументуюць кожны такі факт, мы распачынаем крымінальныя справы. За кожнае слова — усім давядзецца адказаць.
Рана ці позна, мы іх сюды даставім. Або яны прыедуць самі. Гэта я сцвярджаю ўпэўнена», — сказаў Іван Кубракоў «Беларусь 1».
Кубракоў паабяцаў, што паўтору 2020 года не будзе. Паводле яго слоў, кожны выбарчы ўчастак будзе абсталяваны кнопкай трывожнай сігналізацыі і сістэмамі відэаназірання.
«Раскажу на прыкладзе Мінска. Выдзелена спецыяльнае памяшканне, дзе будуць працаваць не менш як 50 чалавек. Кожны выбарчы ўчастак і прылеглая тэрыторыя будуць старанна кантралявацца. У выпадку найменшай небяспекі будуць замацаваныя групы хуткага рэагавання, якія будуць аказваць дапамогу супрацоўнікам, якія забяспечваюць ахову парадку. Таму сітуацыя знаходзіцца ў нас пад кантролем», — сказаў Кубракоў.
Стала вядома, за што будуць судзіць першага намесніка начальніка Кіраўніцтва справамі Лукашэнкі1
Каментары