Лукашэнку падчас «раптоўнай» праверкі паказалі тое, што перад гэтым рэпеціравалі цягам месяцаў
Маніторынгавая група «Беларускі Гаюн» звярнула ўвагу на тое, што падчас «раптоўнай» праверкі дзяжурных сіл ВПС і войскаў СПА, якую сёння здзейсніў Лукашэнка, яму паказалі тое, што перад гэтым з пачатку года ўжо паўтаралі некалькі разоў.
Лукашэнка застаўся пабачаным цалкам задаволены, выказаўшы толькі адну засцярогу: «Каб гэта было сумленна. Раптоўная праверка — значыць, ведаюць тыя, каму трэба. А астатнія працуюць, як у ваенны час».
Па словах камандуючага ВПС і войскамі СПА РБ Андрэя Лук'яновіча, праверка была няпростай: «Быў значна павялічаны склад дзяжурных сіл, створана складаная паветраная абстаноўка — дадаткова прызначаныя паветраныя цэлі».
Але, як заўважыў «Беларускі Гаюн», кіруючыся матэрыяламі свайго маніторынгу, яшчэ 8 лютага і 14 сакавіка з'яўлялася інфармацыя аб правядзенні падобных паводле характару «праверак», на якіх адпрацоўвалася як умоўнае паражэнне паветраных цэляў, так і прымус да пасадкі лятальных апаратаў. У красавіку ж такія трэніроўкі фіксаваліся тройчы — 11, 26 і 30-га чысла.
З гэтага робіцца выснова, што «беларускія вайскоўцы амаль тры месяцы рэпеціравалі «праверку дзяжурных сіл», каб сёння прадэманстраваць свае ўменні Лукашэнку». А пра раптоўнасць гаворкі тут не ідзе.
Стала вядома, за што будуць судзіць першага намесніка начальніка Кіраўніцтва справамі Лукашэнкі1
Каментары
А вот с самалетами НАТО, это уж полная лажа.
Кто был знаком с времен СССР с ПВО и нынешние спецы, просто смеются над этим шапито.
Через 30 минут ни ПВО ни Дроздов не будет, а доблестному воину лукашенко прислуга не успеет штаны натянуть.