Моды1212

Мільён праглядаў у інстаграме: крама адзення ў Буда-Кашалёве стала шалёна папулярнай дзякуючы суроваму мужыку ў рэкламе

Колькі б ні казалі сусветныя брэнды аб неабходнасці выкарыстоўваць у рэкламе рэальных людзей замест прафесійных мадэляў, ім усё роўна не пераплюнуць краму адзення і абутку ў Буда-Кашалёве. Бліжэйшым да патэнцыяльных кліентаў яшчэ ніхто ў свеце не быў.

Называецца крама ў сацыяльных сетках Modern Clothing Shop — усё ў найлепшых традыцыях нэймінгу беларускіх невялікіх гарадоў. Але на шыльдзе напісана сціплае «Мадэрн». У інстаграме рылзы крамы набіраюць дзясяткі тысяч праглядаў. А самае віруснае відэа — больш за мільён. Сакрэт шалёнай папулярнасці — суворы мужчына ў гадах і смешныя каментарыі.

Можаце не сумнявацца: тут вам прапануюць вобраз на любы выпадак. Вось, напрыклад, што раяць набыць крыптавалютчыкам.

— Сапраўдны крыптаэнтузіяст носіць світшот турэцкага вытворцы, падоўжаныя шорты з накладнымі кішэнямі. На нагах у крыптамэна аэрфорс, шкарпэткі з трыма палоскамі. Карыстаецца туалетнай вадой «Біткойн». І гэта дасць прырост 10 іксоў.

Ёсць у арсенале крамы і «вобраз для бывалага жаніха, які дакладна ведае, што трэба жанчынам». Жаночы голас па-за кадрам абяцае, што любая нявеста скажа жаніху «Так», нават калі для яго гэта не першы шлюб.

Хочаце змяніць сферу дзейнасці і пачаць працаваць таролагам? І для гэтага ўжо прадугледжаны лук:

— Таямнічасці вобразу дадасць знак ваўка на рамяні. Ён дакладна прыцягне новых кліентаў і пракладзе вам шлях на «Бітву экстрасэнсаў». У такім вобразе вы будзеце выглядаць па-сапраўднаму загадкавым, асабліва калі вас папросяць зрабіць натальную карту, матрыцу лёсу або расклад на каханне.

У краме ведаюць пра ўсе моладзевыя трэнды. Супрацоўнікі Modern Clothing Shop паклапаціліся нават пра стыль тых, хто любіць тапаць хамяка.

— Зараз тыкаць хамяка можна не толькі хутка, але і стылёва. Перад вамі вобраз сапраўднага хамстэрфана. Прафесійны паляўнічы на манеты носіць баваўняную аверсайз футболку і худзі з птушкай. Напружана націскае на экран у лёгкіх карго штанах без кішэняў.

Мужчыну-мадэль завуць Мікалай Марза. Здаецца, раптоўная папулярнасць яго не бянтэжыць. Мужчына не без іроніі адказвае на каментарыі тых, хто спрабуе жартаваць з яго вобразаў.

Падпісчыкі цэняць парады экспертаў крамы і нават самі просяць дапамагчы прыдумаць вобраз, напрыклад, для паездкі на шашлыкі. Дарэчы, дзякуючы вірусным відэа, у Modern Clothing Shop пачалі прыязджаць блогеры з іншых гарадоў. Кажуць, сапраўды ўсё «спэшл фо ю» — яшчэ і за смешныя грошы.

Каментары12

  • Ахаха
    07.07.2024
    Николай, я ваша на веки!
  • Ядвига
    07.07.2024
    Матка Боска, даже в рекламе не модели, а какие-то фрики. Всё не как в нормальных странах. Вот точно, самопровозглашенный не повёл за цивилизацией, а привёл в какую-то навозную кучу от обоср***ых им коров.
  • аліса
    07.07.2024
    а суворы гэта які, мо суровы? ну смешна ж, на сур'ёзе ператасоўваць склады у слове па-руску і выдаваць гэта як беларускае. Аўтарытэт мовы і так не вельмі

    Рэд. Прабачце, што слоўнікі беларускай мовы не адпавядаюць вашым чаканням. Словам "далонь" таксама не карыстайцеся.

Пашынян: Мой дыялог з Лукашэнкам завершаны4

Пашынян: Мой дыялог з Лукашэнкам завершаны

Усе навіны →
Усе навіны

Блогерка Лера Яскевіч расказала, як выйсці замуж за мяжой, калі ў вас скончыўся беларускі пашпарт7

Тарыфы на камуналку павялічаць сёлета ў два этапы1

Кіроўца аўтамабіля спрабаваў павярнуць направа з трэцяй паласы, праскочыўшы пад носам у тралейбуса ВІДЭА

Сталі вядомыя дакладныя лічбы новага ўтыльзбору. Вось якія аўто падаражэюць9

У Нацыянальным мастацкім музеі выставілі працы Z-мастакоў, прыкрыўшыся тэмай «Вялікай Айчыннай вайны»22

Былую каралеўскую сядзібу ў Гродне набыла царква «Слова Божае»3

Палітзняволеная блогерка Вікторыя Гусарава пасля суда выйшла на волю

Астраномы адкрылі новы астэроід. А пасля аказалася, што гэта аўтамабіль, які лятае ў космасе4

Прабіў талон, але ўсё роўна «заяц» — як такое магчыма4

больш чытаных навін
больш лайканых навін

Пашынян: Мой дыялог з Лукашэнкам завершаны4

Пашынян: Мой дыялог з Лукашэнкам завершаны

Галоўнае
Усе навіны →

Заўвага:

 

 

 

 

Закрыць Паведаміць